കേരളത്തില്‍ തൊഴില്‍ പ്രശ്നങ്ങള്‍ പഴങ്കഥ: മുഖ്യമന്ത്രി
മുംബൈ: കേരളത്തിലെ വ്യവസായ മേഖലയില്‍ തൊഴില്‍ പ്രശ്നങ്ങള്‍ പഴങ്കഥ മാത്രമാണ്െ മുഖ്യമന്ത്രി ഉമ്മന്‍ ചാണ്ടി. നോക്കുകൂലി പോലുള്ള തെറ്റായ പ്രവണതകളെ കേരളത്തില്‍ ഇടതുതൊഴിലാളി സംഘടനകള്‍ ഉള്‍പ്പെടെ എല്ലാവരും ഒറ്റക്കെട്ടായി ചെറുത്തുതോല്പിച്ചിരിക്കുകയാണെന്ന് അദ്ദേഹം കൂട്ടിച്ചേര്‍ത്തു. 'സാമ്പത്തിക വളര്‍ച്ചയില്‍ സംസ്ഥാനങ്ങളുടെ പുതിയ പങ്കാളിത്തം' എന്ന വിഷയത്തില്‍ ഇന്ത്യന്‍ സാമ്പത്തിക ഫോറത്തിന്റെ രണ്ടാം ദിവസം നടന്ന സെമിനാറില്‍ പ്രസംഗിക്കുകയായിരുന്നു മുഖ്യമന്ത്രി. മഹാരാഷ്ട്ര മുഖ്യമന്ത്രി പ്രൃഥ്വിരാജ് ചവാന്‍, മധ്യപ്രദേശ് മുഖ്യമന്ത്രി ശിവരാജ് സിംഗ് ചൌഹാന്‍, ബ്രിട്ടിഷ് കൊളംബിയ പ്രധാനമന്ത്രി ക്രിസ്റി ക്ളാര്‍ക്ക് എന്നിവര്‍ പങ്കെടുത്ത സെമിനാറില്‍ ഇന്ത്യന്‍ എക്സ്പ്രസ് എഡിറ്റര്‍ ഇന്‍ ചീഫ് ശേഖര്‍ ഗുപ്ത മോഡറേറ്ററായിരുന്നു. ഡല്‍ഹി- മുംബൈ വ്യവസായ ഇടനാഴിപോലെ കേരളത്തില്‍ കൊച്ചി- കോയമ്പത്തൂര്‍ വ്യവസായ ഇടനാഴി നടപ്പാക്കാന്‍ സംസ്ഥാന സര്‍ക്കാര്‍ ശ്രമിക്കുന്നുണ്െടന്ന് മുഖ്യമന്ത്രി അറിയിച്ചു.
പോസ്റ്റുകള്
