ഐ.ഐ.ടി പാലക്കാട്ട്: - മുഖ്യമന്ത്രി
തിരുവനന്തപുരം: പന്ത്രണ്ടാംപദ്ധതിയില് സംസ്ഥാനത്തിന് ഐ.ഐ.ടി അനുവദിക്കുമെന്ന് കേന്ദ്രസര്ക്കാര് ഉറപ്പ് നല്കിയിട്ടുണ്ടെന്നും അത് അനുവദിക്കുമ്പോള് പാലക്കാട്ടായിരിക്കും സ്ഥാപിക്കുകയെന്നും മുഖ്യമന്ത്രി പറഞ്ഞു. പാലക്കാട്ട് കണ്ടെത്തിയ സ്ഥലത്ത് കേന്ദ്രസംഘം വന്ന് പരിശോധന നടത്തുകയും ചെയ്തു. കഴിഞ്ഞയാഴ്ച താനടക്കമുള്ളവര് ഡല്ഹി സന്ദര്ശിച്ചപ്പോള് പ്രധാനമന്ത്രിയും മനുഷ്യവിഭവശേഷി മന്ത്രി കപില് സിബലും വിദേശത്തായിരുന്നതിനാല് ഇക്കാര്യത്തില് അന്തിമതീരുമാനമായില്ല.
ഐ.ഐ.ടി മലപ്പുറത്ത് സ്ഥാപിക്കണമെന്നാവശ്യപ്പെട്ട് അബ്ദുറഹ്മാന് രണ്ടത്താണി അവതരിപ്പിച്ച ശ്രദ്ധക്ഷണിക്കലിന് മറുപടി പറയുകയായിരുന്നു മുഖ്യമന്ത്രി. മലപ്പുറത്തിന് അതിനുള്ള അര്ഹതയുണ്ടെങ്കിലും പാലക്കാട്ടാണ് ഇപ്പോള് സ്ഥലം കണ്ടെത്തിയിരിക്കുന്നതെന്ന് മുഖ്യമന്ത്രി വിശദീകരിച്ചു.