തിരുവനന്തപുരം: നിക്ഷേപ അപേക്ഷകളില് തീര്പ്പുകല്പ്പിക്കുന്നതില് കാലതാമസം ഒഴിവാക്കുമെന്ന് മുഖ്യമന്ത്രി ഉമ്മന്ചാണ്ടി. മുന് സര്ക്കാരിന്റെ കാലത്ത് തടഞ്ഞുവെച്ച പദ്ധതി അപേക്ഷകളില് നയപരമായ തീരുമാനം ആവശ്യമില്ലാത്തതില് എത്രയുംവേഗം തീരുമാനമെടുക്കുമെന്നും മുഖ്യമന്ത്രി പറഞ്ഞു. കെ.എസ്.ഐ.ഡി.സി. കൊച്ചിയില് സംഘടിപ്പിക്കുന്ന നിക്ഷേപ സംഗമമായ എമര്ജിങ് കേരള 2012-ന്റെ ലോഗോ പ്രകാശനം നിര്വഹിക്കുകയായിരുന്നു മുഖ്യമന്ത്രി.
വികസനകാര്യത്തില് പോസിറ്റീവായാണ് സര്ക്കാര് കാര്യങ്ങളെ കാണുന്നത്. കേരളത്തിന്റെ സാധ്യതകള് ലോകത്തിന് മുന്നില് തുറന്നുകാണിക്കുകയാണ് എമര്ജിങ് കേരളകൊണ്ട് ലക്ഷ്യമിടുന്നതെന്ന് മുഖ്യമന്ത്രി പറഞ്ഞു.