UDF

Wednesday, March 7, 2012

നിയമസഭാ തിരഞ്ഞെടുപ്പ്: പ്രതീക്ഷിച്ച നേട്ടം കിട്ടിയില്ല

നിയമസഭാ തിരഞ്ഞെടുപ്പ്: പ്രതീക്ഷിച്ച നേട്ടം കിട്ടിയില്ല

 


 നിയമസഭാ തിരഞ്ഞെടുപ്പുകളില്‍ കോണ്‍ഗ്രസ്സിന് പ്രതീക്ഷിച്ച നേട്ടമുണ്ടാക്കാനായില്ലെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു. ഗോവ ഒഴികെ മറ്റ് നാല് സംസ്ഥാനങ്ങളിലും കോണ്‍ഗ്രസ്സിന് നില മെച്ചപ്പെടുത്താനായെങ്കിലും അത് നേട്ടമായി അവകാശപ്പെടാനാകില്ലെന്നും ഉമ്മന്‍ചാണ്ടി പറഞ്ഞു.

പിറവത്ത് പ്രചാരണത്തിന് രാഹുല്‍ഗാന്ധി വരുമോ എന്ന ചോദ്യത്തിന് ഉപതിരഞ്ഞെടുപ്പുകളില്‍ ദേശീയ നേതാക്കള്‍ പ്രചാരണം നടത്തുന്ന പതിവ് കോണ്‍ഗ്രസ്സിനില്ലെന്നായിരുന്നു മറുപടി.

ഓഡിയോ വിഷ്വല്‍ റിപ്രോഗ്രാഫിക് കോര്‍പ്പറേഷന്‍ മാനേജിങ് ഡയറക്ടറെ മാറ്റിയോ എന്ന ചോദ്യത്തിന് തീരുമാനമെടുക്കേണ്ടത് വിദ്യാഭ്യാസ വകുപ്പാണെന്ന് ഉമ്മന്‍ചാണ്ടി പറഞ്ഞു.

ഇന്ത്യന്‍ മത്സ്യത്തൊഴിലാളികളെ കടലില്‍ വെടിവെച്ച് കൊന്ന കേസ്സിലുള്‍പ്പെട്ട ഇറ്റാലിയന്‍ നാവികസേനാംഗങ്ങള്‍ ഇന്ത്യന്‍ നിയമവ്യവസ്ഥയ്ക്ക് വിധേയരാകണമെന്ന് മുഖ്യമന്ത്രി പറഞ്ഞു.

ജയിലിന് പുറത്ത് താമസിക്കണമെന്ന് ഇറ്റാലിയന്‍ അധികാരികള്‍ ആവശ്യപ്പെട്ടിരുന്നു. എന്നാല്‍, ഇന്ത്യന്‍ നിയമവ്യവസ്ഥകള്‍ക്ക് വിധേയമായേ കേരള സര്‍ക്കാരിന് പ്രവര്‍ത്തിക്കാനാകൂ. എന്തെങ്കിലും ആനുകൂല്യം ഇറ്റാലിയന്‍ നാവികസേനാംഗങ്ങള്‍ക്ക് വേണമെങ്കില്‍ അത് കോടതി ഉത്തരവിലൂടെ മാത്രമേ നല്‍കാനാവൂയെന്ന് അവരെ അറിയിച്ചുവെന്നും മുഖ്യമന്ത്രി പറഞ്ഞു.