പാതയോരത്തെ സംഘം ചേരല്‍ നിയന്ത്രണം: പൊങ്കാലയെ ബാധിക്കില്ല
പാതയോരത്തെ സംഘം ചേരലും ജാഥകളും നിയന്ത്രിക്കുന്നതുസംബന്ധിച്ച ഹൈക്കോടതി വിധി ആറ്റുകാല്‍ പൊങ്കാലയെ ഒരു തരത്തിലും ബാധിക്കുകയില്ലെന്ന് മുഖ്യമന്ത്രി ഉമ്മന്‍ചാണ്ടി നിയമസഭയെ അറിയിച്ചു. സംഘം ചേരലും ജാഥകളും നിയന്ത്രിക്കുന്നതിനായി കേരള നിയമസഭ ഐകകണേ്ഠന പാസ്സാക്കിയ നിയമം നടപ്പിലാക്കുന്നതിനെതിരെ രണ്ടുപേര്‍ കേരള ഹൈക്കോടതിയെ സമീപിച്ചതിനാലാണ് ഹൈക്കോടതിയുടെ നിരോധന ഉത്തരവുണ്ടായത്.എന്നാല്‍ ഈ വ്യവസ്ഥ പൊങ്കാലയെ ബാധിക്കാതിരിക്കാന്‍ പ്രത്യേക നിര്‍ദ്ദേശം നല്‍കിയതായി മുഖ്യമന്ത്രി അറിയിച്ചു. പൊങ്കാലയില്‍ പങ്കെടുക്കുന്ന ജനക്കൂട്ടം സംഘം ചേരുകയല്ല, മറിച്ച് ഓരോ കുടുംബമായാണ് എത്തുന്നത്. ഓരോ കുടുംബവും മറ്റൊരു കുടുംബവുമായി ചേര്‍ന്നാണ് പൊങ്കാല സമര്‍പ്പിക്കുന്നത്. ഇത് ഇത്തരത്തിലാണ് വ്യാഖ്യാനം ചെയ്തിരിക്കുന്നതെന്ന് മുഖ്യമന്ത്രി അറിയിച്ചു.
ഹൈക്കോടതി വിധികാരണം നിയമം നടപ്പാക്കാന്‍ കഴിയാത്ത സാഹചര്യത്തെ മറികടക്കാന്‍ സുപ്രീംകോടതിയില്‍ പ്രത്യേക അപേക്ഷ നല്‍കിയതായി മുഖ്യമന്ത്രി ചോദ്യങ്ങള്‍ക്ക് മറുപടി നല്‍കി.
പോസ്റ്റുകള്
