തീര സുരക്ഷയ്ക്കായി10 പോലീസ് സ്റ്റേഷനുകള്
തീരദേശ സുരക്ഷയ്ക്കായി 10 തീരദേശ പോലീസ് സ്റ്റേഷനുകള് സ്ഥാപിക്കുമെന്നും കോസ്റ്റല് ഹോം ഗാര്ഡുകളായി തീരദേശ സ്റ്റേഷനുകളില് മത്സ്യത്തൊഴിലാളികളെ നിയമിക്കുമെന്നും മുഖ്യമന്ത്രി ഉമ്മന്ചാണ്ടി നിയമസഭയെ അറിയിച്ചു.
മത്സ്യത്തൊഴിലാളികളുടെ പ്രശ്നങ്ങള് ചര്ച്ച ചെയ്യണമെന്ന് ആവശ്യപ്പെട്ട് നല്കിയ അടിയന്തര പ്രമേയ നോട്ടീസിന് വിശദീകരണം നല്കുകയായിരുന്നു അദ്ദേഹം. സംഭവത്തില് നിയമപരമായ ചെയ്യാന് കഴിയുന്നതെല്ലാം ചെയ്യുന്നുണ്ടെന്ന് മുഖ്യമന്ത്രി പറഞ്ഞു.
കടലില് കാണാതായവര്ക്കുള്ള തിരച്ചില് ഊര്ജിതമാക്കുന്നതിന് നേവിയുടെ കപ്പല് എത്തിയിട്ടുണ്ട്. സംഭവം നടന്നതിനുശേഷം കപ്പല് കണ്ടെത്താനായത് ഉണര്ന്നു പ്രവര്ത്തിച്ചതുകൊണ്ടാണെന്നും മുഖ്യമന്ത്രി പറഞ്ഞു.