പതാരം (കൊല്ലം):മലയാളഭാഷയ്ക്ക് അഭിമാനകരമായ സംഭാവനകള്‍ നല്‍കിയ ഡോ. ശൂരനാട് കുഞ്ഞന്‍പിള്ളയ്ക്ക് ഉചിതമായ സ്മാരകം നിര്‍മ്മിക്കുമെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു. ഭാഷാപണ്ഡിതനും മലയാള മഹാനിഘണ്ടുകാരനുമായ ഡോ. ശൂരനാട് കുഞ്ഞന്‍പിള്ളയുടെ ജന്മശതാബ്ദി ആഘോഷപരിപാടികള്‍ ഉദ്ഘാടനംചെയ്ത് സംസാരിക്കുകയായിരുന്നു അദ്ദേഹം. ഏതുതരത്തിലാവണം സ്മാരകമെന്നതു സംബന്ധിച്ച് സാംസ്‌കാരികവകുപ്പുമായി ആലോചിച്ചായിരിക്കും തീരുമാനമെടുക്കുകയെന്നും മുഖ്യമന്ത്രി പറഞ്ഞു.മലയാളത്തിന്റെ മഹാശക്തിയായ ശൂരനാട് കുഞ്ഞന്‍പിള്ളയുടെ സംഭാവനകള്‍ നിലനില്‍ക്കുന്നു. അദ്ദേഹത്തെപ്പോലെ മഹത്തായ സംഭാവനകള്‍ ഭാഷയ്ക്ക് നല്‍കിയിട്ടുള്ളവരാണ് നമ്മുടെ ഏറ്റവും വലിയ സമ്പത്ത്- ഉമ്മന്‍ചാണ്ടി പറഞ്ഞു.
പോസ്റ്റുകള്
