UDF

2011, ഓഗസ്റ്റ് 27, ശനിയാഴ്‌ച

അട്ടപ്പാടിക്ക് പ്രത്യേക കാര്‍ഷിക പാക്കേജ്

അട്ടപ്പാടിക്ക് പ്രത്യേക കാര്‍ഷിക പാക്കേജ്








Imageന്യൂഡല്‍ഹി: അട്ടപ്പാടിയ്ക്കു
വേണ്ടി പ്രത്യേക കാര്‍ഷിക പാക്കേജ് അനുവദിക്കുന്ന കാര്യം
പരിഗണിക്കാമെന്നു കേന്ദ്രകൃഷിമന്ത്രി ശരത് പവാര്‍ ഉറപ്പുനല്‍കിയതായി
മുഖ്യമന്ത്രി ഉമ്മന്‍ചാണ്ടി അറിയിച്ചു. അട്ടപ്പാടിയില്‍ ജപ്പാന്‍
സഹായത്തോടെയുള്ള അഹാര്‍ട്‌സിന്റെ പ്രവര്‍ത്തനം സെപ്റ്റംബര്‍ 30ന്
അവസാനിപ്പിക്കും.



ഈ സാഹചര്യത്തില്‍ അവിടുത്തെ ആദിവാസികള്‍ക്ക്
കേന്ദ്രസഹായം ആവശ്യമാണ്. തങ്ങളുടെ ഭൂമിയില്‍ വരുമാനത്തിനുവേണ്ടി കൃഷി
നടത്താനുള്ള സാഹചര്യമുണ്ടാക്കണമെന്നതാണ് ഇവിടത്തുകാരുടെ പ്രധാന ആവശ്യം.
ഇതിനായി കേന്ദ്രകൃഷി മന്ത്രാലയം രണ്ട് ഉദ്യോഗസ്ഥരെ അട്ടപ്പാടിയിലേക്ക്
അയച്ച് പഠനം നടത്തിയിരുന്നു. ഈ റിപ്പോര്‍ട്ട് എത്രയും വേഗം
അംഗീകരിക്കണമെന്ന ആവശ്യമാണ് കൂടിക്കാഴ്ചയില്‍ മുഖ്യമന്ത്രി പ്രധാനമായും
മുന്നോട്ടുവച്ചത്.