UDF

Wednesday, August 3, 2011

വോട്ടെടുപ്പ് ദൃശ്യങ്ങള്‍ പരിശോധിക്കാന്‍ സ്‌പീക്കര്‍ക്ക് മുഖ്യമന്ത്രിയുടെ കത്ത്


വോട്ടെടുപ്പ് ദൃശ്യങ്ങള്‍ പരിശോധിക്കാന്‍ സ്‌പീക്കര്‍ക്ക് മുഖ്യമന്ത്രിയുടെ കത്ത്


ധനവിനിയോഗ ബില്ലിന്റെ വോട്ടെടുപ്പ് ദിവസത്തെ വീഡിയോ  ദൃശ്യങ്ങള്‍ പരിശോധിക്കാന്‍ അവസരം നല്‍കണമെന്നാവശ്യപ്പെട്ട് മുഖ്യമന്ത്രി  ഉമ്മന്‍ചാണ്ടി സ്‌പീക്കര്‍ക്ക് കത്ത് നല്‍കി. പ്രതിപക്ഷ നേതാവിന്റെ സൗകര്യം  കൂടി അറിഞ്ഞശേഷം ദിവസം സംബന്ധിച്ച് തീരുമാനം എടുക്കണമെന്നും മുഖ്യമന്ത്രി അഭ്യര്‍ഥിച്ചു.

ധനബില്ലിന്റെ വോട്ടെടുപ്പില്‍ ഭരണപക്ഷം കള്ളവോട്ട് ചെയ്തെന്ന് പ്രതിപക്ഷ നേതാവും മറ്റ് നേതാക്കളും ആരോപിക്കുന്ന പശ്ചാത്തലത്തില്‍ യഥാര്‍ഥ വസ്തുതകള്‍ ജനങ്ങള്‍ അറിയേണ്ടതാണെന്ന് മുഖ്യമന്ത്രി ചൂണ്ടിക്കാട്ടി. 

ആരുടെ വോട്ട് ആരാണ് കള്ളവോട്ടായി ചെയ്തതെന്ന് വ്യക്തമാക്കണമെന്ന് താന്‍ രേഖാമൂലം ആവശ്യപ്പെട്ടിട്ടും ഇതുവരെ മറുപടി ലഭിച്ചിട്ടില്ലെന്ന്  മുഖ്യമന്ത്രി ചൂണ്ടിക്കാട്ടി.