പാര്ട്ടി പറയുന്നവരെ പ്രതികളാക്കുന്ന സമ്പ്രദായം നിര്ത്തി - മുഖ്യമന്ത്രി
കണ്ണൂരില് രാഷ്ട്രീയ കൊലപാതകം നടന്ന ശേഷം പാര്ട്ടി പറയുന്നവരെ പ്രതികളായി ചേര്ത്ത് കേസ്സെടുക്കുകയാണ് പതിവ്. ഇനി അത് നടക്കില്ല. ആ സമ്പ്രദായം നിര്ത്തി. അതുകൊണ്ടാണ് ടി.പി.ചന്ദ്രശേഖരന് വധക്കേസില് അറസ്റ്റ് അല്പം വൈകുന്നത്. എന്നാല് എത്ര വൈകിയാലും യഥാര്ഥ പ്രതികളെ നിയമത്തിനുമുമ്പില് കൊണ്ടുവരും. കേസ് നടത്തിപ്പിലും ഇതേ ജാഗ്രത തന്നെ സര്ക്കാരിനുണ്ടാകും-ഉമ്മന് ചാണ്ടി പറഞ്ഞു.
ഏറ്റവും മൃഗീയമായവിധമാണ് അബ്ദുല് ഷുക്കൂര് കൊല്ലപ്പെട്ടത്. ഇരുനൂറോളം പേരെ സാക്ഷിനിര്ത്തി വിചാരണ ചെയ്ത് വധശിക്ഷ നടപ്പിലാക്കുകയായിരുന്നു. അതില് യഥാര്ഥ പ്രതികളെ തിരിച്ചറിയാന് കാലതാമസമെടുക്കുന്നുണ്ട്. അതില് ചിലര്ക്ക് അമര്ഷമുണ്ടാകുന്നത് സ്വാഭാവികമാണ്. എന്നാല് യഥാര്ഥ പ്രതികളെ കണ്ടെത്തി നിയമത്തിന്റെ മുന്നിലെത്തിക്കും-മുഖ്യമന്ത്രി പറഞ്ഞു.