കൊച്ചി: മൂന്നാറിലെ തോട്ടം തൊഴിലാളികളുടെ ആവശ്യം ന്യായമാണെന്നും സ്ത്രീ തൊഴിലാളികളുടെ പ്രശ്നങ്ങള് കണ്ടില്ലെന്ന് നടിക്കാന് കഴിയില്ലെന്നും മുഖ്യമന്ത്രി ഉമ്മന്ചാണ്ടി. ആവശ്യമെങ്കില് പ്രശ്നത്തില് താന് നേരിട്ട് ഇടപെടും. ഇക്കാര്യത്തില് കെ.ഡി.എച്ച്.പി. കമ്പനി അധികൃതരുമായി ഞായറാഴ്ച എറണാകുളത്ത് ചര്ച്ച നടത്തും.
മന്ത്രിമാരായ ഷിബു ബേബിജോണും ആര്യാടന് മുഹമ്മദും ഇതിനോടകം കമ്പനി അധികൃതരുമായി ചര്ച്ച നടത്തിയിട്ടുണ്ട്. കമ്പനി വിട്ടുവീഴ്ചയ്ക്ക് തയാറായി പ്രശ്നം പരിഹരിക്കണമെന്നും മുഖ്യമന്ത്രി ആവശ്യപ്പെട്ടു.