UDF

Friday, June 8, 2012

തൊഴിലുറപ്പ് പദ്ധതി: ജോലിസമയം കുറയ്ക്കല്‍ അടുത്തമാസം മുതല്‍

തൊഴിലുറപ്പ് പദ്ധതി: ജോലിസമയം കുറയ്ക്കല്‍ അടുത്തമാസം മുതല്‍ -മുഖ്യമന്ത്രി


ശ്രീകണ്ഠപുരം (കണ്ണൂര്‍): ദേശീയ ഗ്രാമീണ തൊഴിലുറപ്പ് പദ്ധതിയുടെ ജോലിസമയം ഒരുമണിക്കൂര്‍ കുറയ്ക്കുന്നത് കേരളത്തില്‍ ജൂലായ് മുതല്‍ ആയിരിക്കുമെന്ന് മുഖ്യമന്ത്രി ഉമ്മന്‍ ചാണ്ടി വ്യക്തമാക്കി.

യു.ഡി.എഫ്. മന്ത്രിസഭയുടെ ഒന്നാം വാര്‍ഷികത്തിന്റെ ജില്ലാതല പരിപാടികള്‍ ചെമ്പന്‍തൊട്ടിയില്‍ ഉദ്ഘാടനം ചെയ്യുകയായിരുന്നു അദ്ദേഹം. തൊഴിലുറപ്പ് പദ്ധതിയില്‍ നൂറ് ദിവസം ജോലി എടുത്തവര്‍ക്ക് 1000 രൂപ വീതം വിതരണം ചെയ്യുന്നതിന്റെ സംസ്ഥാനതല ഉദ്ഘാടനവും മുഖ്യമന്ത്രി നിര്‍വഹിച്ചു.

തൊഴിലുറപ്പ് പദ്ധതിയുടെ സമയം രാവിലെ ഒമ്പതു മുതല്‍ വൈകിട്ട് അഞ്ചുവരെയാക്കാന്‍ കേന്ദ്രസര്‍ക്കാറിന്റെ അനുമതി തേടിയിട്ടുണ്ട്. അനുമതി ഉടന്‍ ലഭിക്കുമെന്നാണ് പ്രതീക്ഷ. ഇപ്പോള്‍ രാവിലെ എട്ടുമുതല്‍ അഞ്ചുമണിവരെയാണ് സമയം. തൊഴിലുറപ്പ് പദ്ധതിയില്‍ അംഗങ്ങളാകുന്നവര്‍ക്ക് കൂടുതല്‍ ആനുകൂല്യങ്ങള്‍ നല്‍കുന്നത് സര്‍ക്കാറിന്റെ പരിഗണനയിലാണ് -അദ്ദേഹം പറഞ്ഞു.

ഗ്രാമവികസന മന്ത്രി കെ.സി.ജോസഫ് അധ്യക്ഷനായി.