അഭിപ്രായവ്യത്യാസങ്ങള് സ്വാഭാവികം; പാര്ട്ടിയും സര്ക്കാരും ഒറ്റക്കെട്ടെന്ന് മുഖ്യമന്ത്രി
തിരുവനന്തപുരം : അഭിപ്രായവ്യത്യാസങ്ങളുണ്ടെങ്കിലും പാര്ട്ടിയും സര്ക്കാരും ഒരുമിച്ച് പോകുമെന്ന് മുഖ്യമന്ത്രി ഉമ്മന് ചാണ്ടി.
അഭിപ്രായവ്യത്യാസങ്ങള് ജനാധിപത്യ വ്യവസ്ഥിതിയില് സാധാരണമാണ്. എന്നാല് കേരളത്തിലെ സര്ക്കാരും പാര്ട്ടിയും ഐക്യത്തില് തന്നെ മുന്നോട്ടുപോകും. സോണിയാ ഗാന്ധിയെ സാക്ഷിനിര്ത്തി കോണ്ഗ്രസ് നേതൃയോഗത്തിലായിരുന്നു മുഖ്യമന്ത്രിയുടെ ഈ പ്രഖ്യാപനം. പ്രവര്ത്തകര് ഈ വാക്കുകള് കൈയടിയോടെയാണ് സ്വീകരിച്ചത്.
തോല്വിയിലും ജയത്തിലും കേരളത്തിലെ കോണ്ഗ്രസ് പ്രവര്ത്തകര് സോണിയാഗാന്ധിക്കും ദേശീയ നേതൃത്വത്തിനുമൊപ്പം നില്ക്കുമെന്ന് മുഖ്യമന്ത്രി പറഞ്ഞു.
കോണ്ഗ്രസ് സര്ക്കാരിന്റെ നയങ്ങളെ എതിര്ത്തവര് ഇപ്പോള് അത് പിന്തുടരുന്നു. അവരുടെ ഇരട്ടത്താപ്പാണ് ഇത് പ്രകടമാക്കുന്നത്. ലോക്സഭാ തിരഞ്ഞെടുപ്പില് ഏതാനും സീറ്റുകള്കൂടി യു.ഡി.എഫ് പ്രതീക്ഷിച്ചിരുന്നുവെന്നും മുഖ്യമന്ത്രി പറഞ്ഞു.