കോട്ടയം: ഡോ. പൗലോസ് മാര് ഗ്രിഗോറിയോസ് സമഭാവനയിലും സഹാനുഭൂതിയിലും സഹവര്ത്തിത്വത്തിലുമൂന്നിയ വിശ്വമാനവികത വളര്ത്തിയെടുക്കാന് നല്കിയ സംഭാവനകള് അതുല്യമാണെന്ന് മുഖ്യമന്ത്രി ഉമ്മന്ചാണ്ടി പറഞ്ഞു. മഹാത്മാഗാന്ധി സര്വകലാശാലയിലെ ഡോ. പൗലോസ് മാര് ഗ്രിഗോറിയോസ് ചെയറിന്റെ അക്കാദമിക പ്രവര്ത്തനങ്ങള് ഉദ്ഘാടനം ചെയ്യുകയായിരുന്നു അദ്ദേഹം.
യോഗത്തില് വൈസ് ചാന്സലര് ഡോ. ബാബു സെബാസ്റ്റ്യന് അദ്ധ്യക്ഷത വഹിച്ചു. ഡോ. പൗലോസ് മാര് ഗ്രിഗോറിയോസ് രചിച്ച 'പാശ്ചാത്യ-പൗരസ്ത്യ തത്വചിന്തകള്' എന്ന ഗ്രന്ഥം മുഖ്യമന്ത്രി പ്രകാശനം ചെയ്തു. മാര് ഗ്രിഗോറിയോസിന്റെ ഇതര രചനകള് സര്വകലാശാലാ ലൈബ്രറിക്ക് സമ്മാനിച്ചു.