മൂന്നു വര്ഷത്തിനകം സമ്പൂര്ണ ഡിജിറ്റല് സാക്ഷരത
കേരള പൊലീസ് കൊച്ചിയില് സംഘടിപ്പിച്ച സൈബര് സെക്യൂരിറ്റി സംബന്ധിച്ച രാജ്യാന്തര സമ്മേളനത്തിന്റെ
സമാപന ചടങ്ങില് സൊസൈറ്റി ഫോര് പൊലീസിങ് സൈബര് സ്പേസ് എക്സിക്യുട്ടീവ് ഡയറക്ടര് ബെസി പാങ്,
മുഖ്യമന്ത്രി ഉമ്മന് ചാണ്ടിക്ക് ഉപഹാരം നല്കുന്നു.
കൊച്ചി: സൈബര് ലോകത്തെ സ്ത്രീ സുരക്ഷ എന്ന വിഷയത്തില് കേരള പൊലീസ് സംഘടിപ്പിച്ച രാജ്യാന്തര സൈബര് സെക്യൂരിറ്റി ആന്ഡ് പൊലീസിങ് കോണ്ഫറന്സ്-കൊക്കോണ് 2014- സമാപിച്ചു. സമാപന സമ്മേളനം മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്തു. മൂന്നു വര്ഷത്തിനകം കേരളത്തെ സമ്പൂര്ണ ഡിജിറ്റല് സാക്ഷര സംസ്ഥാനമാക്കുമെന്ന് അദ്ദേഹം പറഞ്ഞു.
ഓരോ വീട്ടിലും ഒരാളെയെങ്കിലും ഇന്റര്നെറ്റ് ഉപയോഗിക്കാന് പര്യാപ്തമാക്കുകയാണു ലക്ഷ്യം. മന്ത്രി കെ. ബാബു അധ്യക്ഷത വഹിച്ചു. ഡിജിപി കെ.എസ്. ബാലസുബ്രഹ്മണ്യം, എംഎല്എമാരായ ബെന്നി ബഹനാന്, ഡൊമിനിക് പ്രസന്റേഷന്, എഡിജിപി കെ. പത്മകുമാര്, ഐജി മനോജ് ഏബ്രഹാം എന്നിവര് പ്രസംഗിച്ചു. 20 വിദേശ രാജ്യങ്ങളില്നിന്നുള്പ്പെടെ മൊത്തം 375 പ്രതിനിധികളാണ് കോണ്ഫറന്സില് പങ്കെടുത്തത്. 17 വിദേശികളുള്പ്പെടെയുള്ള ഐടി വിദഗ്ധര് പ്രബന്ധങ്ങള് അവതരിപ്പിച്ചു.
കോഴിക്കോട്: കേരളത്തെ 2016ഓടെ സമ്പൂര്ണ ജൈവകാര്ഷിക സംസ്ഥാനമാക്കി മാറ്റിയെടുക്കാനാണ് സര്ക്കാര് ലക്ഷ്യമിടുന്നതെന്ന് മുഖ്യമന്ത്രി ഉമ്മന്ചാണ്ടി പറഞ്ഞു. സംസ്ഥാനതല കര്ഷക ദിനാഘോഷവും കര്ഷക അവാര്ഡ് വിതരണവും ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.കര്ഷകര്ക്ക് കൂടുതല് വരുമാനം ലഭ്യമാക്കാനും ഉത്പാദനം വര്ധിപ്പിക്കുന്നതിനുമായി നൂതനസാധ്യതകള് പഠിക്കാനും അത് കര്ഷകരെ ബോധ്യപ്പെടുത്തി പ്രയോജനപ്പെടുത്താനും പദ്ധതി ആസൂത്രണം ചെയ്തിട്ടുണ്ട്. ഇതിനായി നവംബറില് ആഗോള അഗ്രോമീറ്റ് സംഘടിപ്പിക്കും. 
പോസ്റ്റുകള്
