UDF

Tuesday, May 19, 2015

അന്ധവിദ്യാര്‍ഥികള്‍ക്കും പ്ലസ്ടു സയന്‍സ് പഠനം ലഭ്യമാക്കും



തിരുവനന്തപുരം: അന്ധവിദ്യാര്‍ഥികള്‍ക്കും ഹയര്‍സെക്കന്ററി തലത്തില്‍ സയന്‍സ് പഠനം ലഭ്യമാക്കുമെന്ന് മുഖ്യമന്ത്രി ഉമ്മന്‍ചാണ്ടി.  തിരുവനന്തപുരത്ത് ജവഹര്‍ബാലജനവേദി സംഘടിപ്പിച്ച ഒമ്പതാം വാര്‍ഷികാഘോഷവും പുരസ്‌കാരസമര്‍പ്പണവും ഉദ്ഘാടനം  ചെയ്ത് സംസാരിക്കുകയായിരുന്നു. ഇതു സംബദ്ധിച്ച നിര്‍ദ്ദേശം ചീഫ് സെക്രട്ടറിയ്ക്ക് കൈമാറി. അന്ധ വിദ്യാര്‍ഥികള്‍ക്കും പ്രാക്ടിക്കല്‍ ചെയ്യാന്‍ കഴിയില്ല എന്ന കാരണം പറഞ്ഞാണ് സയന്‍സ് ഗ്രൂപ്പില്‍ പഠിക്കാനുള്ള അവസരം നിഷേധിച്ചിരുന്നത്.

ഇത്തരം വിഷയങ്ങള്‍ക്കും പരിഹാരം കാണും. സഹജീവികളോടും രാജ്യത്തോടും കൂറുപുലര്‍ത്തുന്ന പ്രവര്‍ത്തനങ്ങളാണ് ജവഹര്‍ ബാലജനവേദി നടത്തുന്ന പ്രവര്‍ത്തനങ്ങള്‍ വിലപ്പെട്ടതാണന്നും അദ്ദേഹം കൂട്ടിച്ചേര്‍ത്തു.  അന്ധവിദ്യാര്‍ഥികള്‍ നേരിടുന്ന പ്രശ്‌നങ്ങള്‍ ഉന്നയിച്ചുകൊണ്ട് ജവഹര്‍ ബാലജനവേദി മുഖ്യമന്ത്രിയ്ക്കും വിദ്യാഭ്യാസമന്ത്രിക്കും ബാലാവകാശകമ്മീഷനും പരാതികള്‍ സമര്‍പ്പിച്ചിരുന്നു.