UDF

Tuesday, April 1, 2014

ടി.പി. വധക്കേസ്: സി.ബി.ഐ. അന്വേഷണത്തില്‍ സര്‍ക്കാര്‍ ഉറച്ചുതന്നെ


ടി.പി. വധക്കേസ്: സി.ബി.ഐ. അന്വേഷണത്തില്‍ സര്‍ക്കാര്‍ ഉറച്ചുതന്നെ -മുഖ്യമന്ത്രി



പാലക്കാട്: ടി.പി. ചന്ദ്രശേഖരന്‍ വധക്കേസ് സി.ബി.ഐ. അന്വേഷിക്കണമെന്ന നിലപാടില്‍ സംസ്ഥാനസര്‍ക്കാര്‍ ഉറച്ചുനില്‍ക്കുന്നുവെന്ന് മുഖ്യമന്ത്രി ഉമ്മന്‍ചാണ്ടി.

പത്തിരിപ്പാലയില്‍ യു.ഡി.എഫ്. തിരഞ്ഞെടുപ്പ് പ്രചാരണയോഗത്തില്‍ പങ്കെടുക്കാനെത്തിയ മുഖ്യമന്ത്രി മാധ്യമപ്രവര്‍ത്തകരോട് സംസാരിക്കുകയായിരുന്നു.

ടി.പി. വധത്തിനുപിന്നിലെ ഗൂഢാലോചന സി.ബി.ഐ. അന്വേഷിക്കണമെന്നാവശ്യപ്പെട്ട് ചന്ദ്രശേഖരന്റെ ഭാര്യ കെ.കെ. രമ നിരാഹാരസമരം നടത്തിയിരുന്നു. സംസ്ഥാനസര്‍ക്കാര്‍ സി.ബി.ഐ. അന്വേഷണത്തിന് അനുകൂലമാണ്. സി.ബി.ഐ. കേസ് അന്വേഷിക്കാന്‍ കഴിയില്ലെന്ന് അറിയിച്ചെങ്കിലും സംസ്ഥാനസര്‍ക്കാര്‍ വീണ്ടും ഈ ആവശ്യം ഉന്നയിച്ചിട്ടുണ്ട്. കേസ് സി.ബി.ഐ. ഏറ്റെടുക്കാന്‍ സര്‍ക്കാരിന്റെ ഭാഗത്തുനിന്ന് ആവശ്യമായ നടപടികളെടുക്കുമെന്നും മുഖ്യമന്ത്രി പറഞ്ഞു.

പ്രതിപക്ഷനേതാവ് വി.എസ്. അച്യുതാനന്ദനുള്‍പ്പെടെ സി.ബി.ഐ. അന്വേഷണമാവശ്യപ്പെട്ടതാണെന്നും അദ്ദേഹം ചൂണ്ടിക്കാട്ടി.