കേന്ദ്ര സര്ക്കാരിന്റെ പരിഗണനയിലുള്ള നദീസംയോജന പദ്ധതിയോടുള്ള കടുത്ത എതിര്പ്പു വ്യക്തമാക്കി മുഖ്യമന്ത്രി ഉമ്മന് ചാണ്ടി. നദീസംയോജന പദ്ധതി കേരളത്തിന് ഒരു നിലയ്ക്കും അംഗീകരിക്കാനാവില്ലെന്ന് ജല കോണ്ഗ്രസില് മുഖ്യമന്ത്രി വ്യക്തമാക്കി.
പദ്ധതി നടപ്പാക്കാന് പലതലങ്ങളില്നിന്നു സംസ്ഥാനത്തിനു മേല് സമ്മര്ദമുണ്ട്. പമ്പ, അച്ചന്കോവിലാര് - വൈപ്പാര് സംയോജനത്തിനു തമിഴ്നാട് മുന്നോട്ടുപോവുകയാണ്. എന്നാല്, കേരളം ഇതിനെ ശക്തമായി എതിര്ക്കുകതന്നെ ചെയ്യും. കേരളത്തില്നിന്നു കൊടുക്കാന് ഒരുതുള്ളി വെള്ളം പോലും അധികമില്ല എന്നതുതന്നെയാണു കാരണമെന്നും മുഖ്യമന്ത്രി വ്യക്തമാക്കി.