യുവസംരംഭകപദ്ധതി ബാങ്കുകള് ഏറ്റെടുക്കണം -മുഖ്യമന്ത്രി
![](http://images.mathrubhumi.com/print_images/2013/Sep/13/00202_292631.jpg)
യുവസംരംഭകര്ക്ക് ബജറ്റിന്റെ ഒരുശതമാനം നീക്കിവെയ്ക്കാന് തീരുമാനിച്ചിട്ടുണ്ട്. ഈ പദ്ധതി ബാങ്കുകളുടെകൂടി സഹായത്തോടെ ഫലപ്രദമായി നടപ്പാക്കാനാണ് സര്ക്കാരിന്റെ ആഗ്രഹമെന്നും മുഖ്യമന്ത്രി പറഞ്ഞു.
വിദ്യാഭ്യാസ വായ്പയ്ക്ക് പല ബാങ്കുകളും ഫലത്തില് 15 ശതമാനംവെര ഈടാക്കുന്നുണ്ടെന്ന് ചീഫ് സെക്രട്ടറി ഇ.കെ.ഭരത്ഭൂഷണ് പറഞ്ഞു. ഇത് കുറയ്ക്കാനും ഏകീകരിക്കാനും ബാങ്കുകള് തയ്യാറാവണമെന്നും അദ്ദേഹം ആവശ്യപ്പെട്ടു.
ജൂണ് 30 വരെയുള്ള കണക്കനുസരിച്ച് സംസ്ഥാനത്തെ വാണിജ്യ ബാങ്കുകളിലെ മൊത്തം നിക്ഷേപം 2.39 ലക്ഷം കോടിയായി. ഇതില് 75,883 കോടിയും പ്രവാസി നിക്ഷേപമാണ്. 2012 ജൂണ് മുതല് കഴിഞ്ഞ ജൂണ് വരെ 36 ശതമാനം എന്ന റെക്കോര്ഡ് വളര്ച്ചയാണ് പ്രവാസി നിക്ഷേപത്തില് ഉണ്ടായത്. ഡോളറിന് വിലയേറിയതോടെ കൂടുതല് പണം നാട്ടിലെത്തിക്കാന് പ്രവാസികള് തയ്യാറായതാണ് നിക്ഷേപത്തിലെ ഈ വര്ദ്ധനവിനുകാരണം. ഇതുവരെ ബാങ്കുകള് നല്കിയ വായ്പ 1.74 ലക്ഷം കോടിയാണ്.