UDF

Thursday, December 24, 2015

നെടുമ്പാശ്ശേരി വിമാനത്താവളത്തിന് കരുണാകരന്റെ പേരിടുന്നത് പരിഗണനയില്‍


തിരുവനന്തപുരം: നെടുമ്പാശ്ശേരി വിമാനത്താവളത്തിന് മുന്‍ മുഖ്യമന്ത്രി കെ കരുണാകരന്റെ പേര് നല്‍കുന്ന കാര്യം പരിഗണനയിലാണെന്ന് മുഖ്യമന്ത്രി ഉമ്മന്‍ ചാണ്ടി പറഞ്ഞു. ഇന്ദിരാഭവനില്‍ കെ. കരുണാകരന്‍ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

നെടുമ്പാശ്ശേരി അന്താരാഷ്ട്ര വിമാനത്താവളം കെ. കരുണാകരന്റെ മാത്രം സംഭാവനയാണ്. നിക്ഷേപ-ലാഭാനുപാതം കണക്കാക്കിയാല്‍ നെടുമ്പാശ്ശേരി ലോകത്തെ അന്താരാഷ്ട്ര വിമാനത്താവളങ്ങളില്‍ നാലാമതാണ്. മറ്റു സംസ്ഥാനങ്ങളും ഈ മാതൃക സ്വീകരിച്ചുകഴിഞ്ഞു. പ്രവര്‍ത്തന രംഗങ്ങളിലെല്ലാം അദ്ദേഹം വിജയം നേടി. പ്രായോഗിക സമീപനം മൂലമാണ് അദ്ദേഹം ആ വിജയങ്ങള്‍ കൈവരിച്ചതെന്നും ഉമ്മന്‍ ചാണ്ടി അഭിപ്രായപ്പെട്ടു.