മാണി സാറിന്റെ വേര്പാട് യുഡിഎഫിന് മാത്രമല്ല രാഷ്ട്രീയ കേരളത്തിന് ഒന്നാകെ വലിയ നഷ്ടമാണ്. 60 വര്ഷം കേരള രാഷ്ട്രീയത്തില് നിറഞ്ഞു നിന്ന വ്യക്തിത്വമാണ് അദ്ദേഹം. കാര്ഷിക മേഖലയ്ക്കും കര്ഷകര്ക്കും വേണ്ടി ശക്തമായ നിലപാടുകള് സ്വീകരിച്ചിരുന്നു.
നീണ്ട കാലത്തെ വ്യക്തി ബന്ധവും ആത്മബന്ധം ആണ് മാണിസാറുമായുള്ളത്. എന്റെ ഏറ്റവും അടുത്ത സുഹൃത്താണ് അദ്ദേഹം. എല്ലാത്തിനും ഉപരിയായി ഏത് കാര്യത്തിനും ഉപദേശം തേടാന് പറ്റിയ വ്യക്തിത്വമായിരുന്നു അദ്ദേഹത്തിന്റെത്. അദ്ദേഹത്തിന്റെ ഉപദേശം എനിക്ക് ആത്മവിശ്വാസം നല്കിയിട്ടുണ്ട്.
പ്രിയ മാണി സാറിന്റെ ഓര്മ്മകള്ക്ക് മുന്നില് ആദരാജ്ഞലികള് അര്പ്പിക്കുന്നു. കുടുംബാംഗങ്ങളുടെയും പാര്ട്ടി പ്രവര്ത്തകരുടെയും സുഹൃത്തുകളുടെയും ദു:ഖത്തില് ആത്മാര്ത്ഥമായി പങ്കുചേരുന്നു.