കാന്സര് മരുന്ന് സൗജന്യമാക്കുന്നത് പരിഗണിക്കും
കണ്ണൂര്: കാന്സര് രോഗികള്ക്ക് മരുന്ന് സൗജന്യമായി നല്കാനുള്ള പദ്ധതി പരിഗണനയിലാണെന്ന് മുഖ്യമന്ത്രി ഉമ്മന്ചാണ്ടി പറഞ്ഞു. മലബാര് കാന്സര് കെയര് സൊസൈറ്റിയില് ജീവവാണി കൗണ്സലിങ് സെന്ററും ടെലിമെഡിസിന് സംവിധാനവും കണ്ണൂരില് ഉദ്ഘാടനം ചെയ്യുകയായിരുന്നു അദ്ദേഹം.
ഇക്കാര്യത്തില് ചര്ച്ച നടന്നുകൊണ്ടിരിക്കുകയാണ്. കാന്സറിനെതിരെ ജാഗ്രതയോടെ പ്രവര്ത്തിക്കുന്ന മലബാര് കാന്സര് കെയര് സൊസൈറ്റിക്ക് സര്ക്കാര് സാമ്പത്തിക സഹായം ലഭ്യമാക്കും. വകുപ്പുകളുമായി ആലോചിച്ച് ഉടന് തീരുമാനിക്കും. കാന്സറിനെതിരായ പോരാട്ടത്തില് കൂട്ടായ പ്രവര്ത്തനം ഏറെ ഗുണകരമാണെന്നും മുഖ്യമന്ത്രി പറഞ്ഞു.
100 വിദ്യാലയങ്ങളില് ലഹരിക്കെതിരെ യുവശക്തി എന്ന യുവവിമുക്തി പദ്ധതി ഗ്രാമവികസന മന്ത്രി കെ.സി. ജോസഫ് ഉദ്ഘാടനം ചെയ്തു.