ഭോപ്പാലില് മലയാളി സംഘടനകളുടെ ചടങ്ങില് പങ്കെടുക്കാനെത്തിയ മുഖ്യമന്ത്രി പിണറായി വിജയനെ തിരിച്ചയച്ച മധ്യപ്രദേശിലെ ബിജെപി സര്ക്കാരിന്റെ നടപടി പ്രതിഷേധാര്ഹവും നിര്ഭാഗ്യകരവുമാണ്. ഒരിക്കലും ഉണ്ടാകാന് പാടില്ലാത്ത അനുഭവമാണിത്.
കേരള മുഖ്യമന്ത്രിയെ പരിപാടിയില് പങ്കെടുക്കാന് അനുവദിക്കാതിരുന്നത് ഫെഡറല് സംവിധാനത്തിന്റെ മര്യാദകളുടെ നഗ്നമായ ലംഘനമാണ്. രാഷ്ട്രീയ അഭിപ്രായ വ്യത്യാസങ്ങള് സ്വാഭാവികമാണ്. എന്നാല്, അതിന്റെ പേരില് ഒരു മുഖ്യമന്ത്രിയെ മറ്റൊരു സംസ്ഥാനത്ത് തടയുന്നത് ഒരിക്കലും അംഗീകരിക്കാന് കഴിയില്ല. മുഖ്യമന്ത്രിയെ തടഞ്ഞതിലൂടെ മധ്യപ്രദേശ് സര്ക്കാര് കേരളത്തെ അപമാനിച്ചിരിക്കുകയാണ്. ഈ സംഭവത്തിലൂടെ കേരളത്തെ അപമാനിച്ച മധ്യപ്രദേശ് സര്ക്കാരിന്റെ നടപടി ലജ്ജാകരമാണ്.