കോട്ടയം: കേരളത്തില് 110 പുതിയ ഹോമിയോ ആസ്പത്രികള് ആരംഭിച്ചതിന് പിന്നാലെ മുഴുവന് പഞ്ചായത്തിലും ഹോമിയോ കേന്ദ്രങ്ങള് തുറക്കുമെന്ന് മുഖ്യമന്ത്രി ഉമ്മന് ചാണ്ടി. ഇന്ത്യന് ഹോമിയോപ്പതിക് മെഡിക്കല് അസോസിയേഷന് ജില്ലാ കമ്മിറ്റി നടത്തിയ 'സ്വാമി ആതുരദാസ്ജി ഹോമിയോ വന്ധ്യതാ ചികില്സ ദേശീയ സെമിനാര്' ഉദ്ഘാടനം ചെയ്യുകയായിരുന്നു അദ്ദേഹം.
40 പഞ്ചായത്തില്കൂടി ഹോമിയോ കേന്ദ്രങ്ങള് ആരംഭിക്കാനുണ്ട്. ഈ വര്ഷാവസാനത്തോടെ ഈ കേന്ദ്രങ്ങളുടെ പ്രവര്ത്തനം ആരംഭിക്കും. അലോപ്പതിക്ക് പുറമേയുള്ള എല്ലാ ചികില്സകളും ഒന്നിക്കുന്ന 'ആയുഷ്' വകുപ്പ് ആദ്യമായി ആരംഭിക്കുന്ന സംസ്ഥാനവും കേരളമാണെന്ന് അദ്ദേഹം അറിയിച്ചു.