കര്ത്തവ്യം നിര്വഹിക്കാന് ജനകീയ സഹകരണം വേണമെന്ന് ജനമൈത്രി തെളിയിച്ചു
പൊലീസ് കര്ത്തവ്യം ഫലപ്രദമായി നടപ്പാക്കാന് ജനകീയ സഹകരണംകൊണ്ടു മാത്രമേ സാധിക്കുകയുള്ളൂവെന്നു തെളിയിച്ച പദ്ധതിയാണ് ജനമൈത്രിയെന്നു മുഖ്യമന്ത്രി ഉമ്മന് ചാണ്ടി. ഞാലിയാകുഴി എംജിഇഎം ഹയര് സെക്കന്ഡറി സ്കൂള് ഹാളില് നടന്ന വാകത്താനം ജനമൈത്രി പൊലീസ് സ്റ്റേഷന് പ്രഖ്യാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പൊലീസിന്റെ ശക്തി ജനങ്ങളുടെ വിശ്വാസമാണ്.
അതു നഷ്ടപ്പെടുമ്പോള് നിയമ സംരക്ഷണത്തിനു മറ്റു മാര്ഗങ്ങള് വിനിയോഗിക്കേണ്ടി വരുമെന്നും മുഖ്യമന്ത്രി പറഞ്ഞു. ജില്ലാ പഞ്ചായത്ത് വൈസ് പ്രസിഡന്റ് ബിജു പുന്നത്താനം അധ്യക്ഷത വഹിച്ചു. ജില്ലാ പൊലീസ് മേധാവി എം.പി. ദിനേശ് മുഖ്യപ്രഭാഷണം നടത്തി.