മഅ്ദനി: കര്ണാടക മുഖ്യമന്ത്രിയെ കാണുമെന്ന് ഉമ്മന്ചാണ്ടി
തിരുവനന്തപുരം: ഗുരുതരമായ രോഗങ്ങളാല് വീര്പ്പുമുട്ടുന്ന അബ്ദുന്നാസിര് മഅ്ദനിക്ക് വിദഗ്ധ ചികിത്സ ലഭ്യമാക്കാനും വിചാരണ നീതിയുക്തവും വേഗത്തിലുമാക്കാനും നിയമസഭയും സര്ക്കാറും ഇടപെടണമെന്ന് ആവശ്യപ്പെട്ട് ഭരണ -പ്രതിപക്ഷ നേതാക്കള്ക്ക് ജസ്റ്റിസ് ഫോര് മഅ്ദനി ഫോറം നിവേദനം നല്കി. ജനുവരി മൂന്നിന് കര്ണാടക മുഖ്യമന്ത്രിയെ നേരില്കണ്ട് മഅ്ദനിക്ക് അടിയന്തരചികിത്സ ലഭ്യമാക്കാന് ആവശ്യമായതെല്ലാം ചെയ്യുമെന്ന് മുഖ്യമന്ത്രി ഉമ്മന്ചാണ്ടി ഉറപ്പുനല്കിയതായി ഫോറം നേതാക്കള് പറഞ്ഞു.